കാലം

കാലം..കാലം മായ്ക്കാത്തതും മാറ്റത്തതുമായി എന്തുണ്ടെന്ന് ചോദ്യത്തിന് വളരെ കാലമായി ഉത്തരം തിരയുകയാണ് അയാള്‍.കാലത്തോടൊപ്പം മനുഷ്യന്‍റെ കോലം മാറുന്നു.രീതികള്‍ മാറുന്നു.ഒരിക്കലും മാറില്ല എന്ന് കരുതുന്ന ബന്ധങ്ങളുടെ അര്‍ത്ഥവും വ്യാപ്തിയും വരെ കാലത്തോടൊപ്പം മാറുന്നു.സ്നേഹത്തിന്‍റെ അളവ് കൂടുകയും കുറയുകയും ചെയ്യുന്നു.ഒരിക്കലും നഷ്ടപ്പെടരുത് എന്ന് ആഗ്രഹിച്ച പലതും നഷ്ടപ്പെട്ടു പോവുന്നു.കൈപിടിയില്‍ ഒതുങ്ങി എന്ന് വിചാരിച്ചതില്‍ പലതും കൈവിട്ടുപോവുന്നു. കാല ഗതിയുടെ ഒടുവില്‍ ശുഭം എന്ന രണ്ടക്ഷരത്തിനു വേണ്ടിയുള്ള നെട്ടോട്ടം മാത്രമാണ് ജീവിതം. അകലുകയും മുറുകകയും ചെയ്യുന്ന എല്ലാ കണ്ണികള്‍ക്കും,മറ്റു കോപ്രായങ്ങള്‍ക്കും അന്നും ഇന്നും കാലം മാത്രം സാക്ഷി.ശുഭം